الفصل الثالثه و العشرون

 يعتبرونني وحشاً لأنني أريد احتكاركِ ولا يدركون أنني أحميكِ من عالمٍ لا يستحق نقاءكِ غرامي بكِ هو سياجٌ من نار لا يجرؤ أحد على الاقتراب منه هوسي هو صرخة صامتة تقول: أنتِ لي وهي كلمة لا أقولها عبثاً بل هي وعدٌ أقطعه على نفسي أمام الله والقدر والعالم أجمع

°°°°°°°°°°°°°°°°°°°°°°°°°°°°°°°°°°°°°°°°°

خرج بيها من الحمام وهي مستسلمة تماماً قعدها على السرير 

وجاب هدومها وبدأ يلبسها حتة حتة بـروقان كأنه بيرسم لوحة كان بيلبسها اللبس بـحنية

 مفرطة إيده كانت بتمسح على جسمها مع كل قطعة بيلبسها لها وعينيه كانت بتفحصها بـهيام وجراءة خلتها مش عارفة تودي وشها فين من الكسوف

‏لما جه يلبسها البلوزة وقف وراها وجمع شعرها كله في إيد واحدة

 وفي اللحظة دي عينه وقعت على علامات عشقه اللي سابها في رقبتها علامات زرقا وحمرا علي مفترقات رقبتها شكلها كان فاجر ومأكدة ملكيته ليها.

 جاسر أول ما شافها ابتسامة

 "نصر"  ظهرت على وشة عينه لمعت بـفخر وهو شايف أثر جنونه لسه معلم على جلدها الناعم بدل ما يداري العلامة راح مرجع شعرها كله لورا ورا كتافها بـ استقصاد 

وبدأ يسرحه بـهدوء وهو قاصد إن العلامة تفضل باينة

وواضحة وصريحة مال على ودنها وباسها بوسه هاديه خلت جسمها يتنفض وفضل يشم في شعرها بهوس 

وهمس لها وصوته كله تملك 

‏جاسر : شكلنا حلو اوي مع بعض كأننا مخلوقين لبعض صح يا حبيبي و أنا قاصد أسيب شعرك لورا كدة عشان تفضل علاماتي باينه عشان اي حد يفكر مجرد تفكير يقربلك يعرف أنك ملك جاسر الحربي وعشان كل ما تبصي في المراية تفتكري أنك كنتي نايمه في حضني 

‏بصت للمراية شافت وش أول مره تشوفه كان غريب عليها وما تنكرش أنه خوفها وفي نفس الوقت راضي غرورها الأنثوي وخلها تتاكد أن الا قدامها فعلا مهووس فيها

 استسلمت لنظراته وكلامه اللي بيسحب عقلها منها 

لفت له وشافت في عينه نظرة هوس مابتخلصش وهو بيعدل لها لبسها بـإيدين ثابتة ومتحكمة 

نزل على الأرض قدامها وقعد على ركبته بكل هيبته عشان يلبسها الكوتشي مسك رجلها الرقيقة بين إيديه بـحنية طاغية مال علي رجليها وبأسها بحنيه وبدأ يلبسها وربط لها الرباط وقبل ما يقوم مال على رجلها وباسها  ورفع عينه ليها وهي لسه وبص لها بـ نظرة كلها عشق

‏'جاسر بصوت دافي ورخيم': مش عايز حاجة في حياتي غير إني أشوفك مبسوطة يا شجني مش عايز غير إنك تفضلي قدام عيني كدة لآخر العمر 

حست إن قلبها هيقف من كتر الدلع والحب اللي غرقانة فيه ومش مصدقه أنها عايشه فيه

 قام وقف وخدها في حضنه ضمها لصدره بقوة كأنه بيطمنها وبيطمن نفسه  إن اللي جاي كله أمان معاها مسك إيدها وشبك صوابعه في صوابعها

 وفتح باب الشقه ونزلوا  من العمارة أول ما خرجوا لقوا عثمان واقف قدام العربية مستنيهم عثمان أول ما شاف جاسر نزل عينه للأرض احتراماً له

وقال 

‏صباح الخير يا باشا 

‏وراح جاري فتح الباب الخلفي للعربية 

‏وهما داخلين العربية رفع إيده وسندها على سقف العربية وهو بيحمي راس شجن عشان ما تتخبطش  في اللحظة دي كُم قميصه اترفع شوية وبانت علامه شجن واضحة وصريحة في رقبته ناحية كتفه عثمان عينه لقطت العلامة دي ووشه قلب ألوان وفهم 

‏قفل الباب وراح الناحيه التانيه وقبل ما يركب عينه جات في عيون عثمان وفهم الا هو فهمه 

‏بوقك لو اتفتح هخيطه هو 

‏لا يا باشا خلاص والله انا ما اتكلمتش اصلا 😂 

‏طيب اركب يا حليتها خلينا نشوف اي الا ورانا 

‏ركب وشجن جنبه وعثمان قفل الباب بـأدب وطلع ركب ورا الدريكسيون 

وجاسر سحب شجن لحضنه جوه وبدأ يهمس لها عنه وعن قد اي هو مبسوط 

‏

‏العربية وقفت تحت البيت وطلع موبايله ورن على دعاء بكل برود قالها: أنا تحت انزلي خدي شجن وهات معاكي عبايه 

‏دعاء نزلت طيارة أول ما شافت العربية جريت عليها وهي بتنهج من العصبية جاسر نزل الإزاز وسند دراعه على باب العربية وبصلها بنظرة كلها ثقة وسيطرة

‏دعاء 'وهي بتبرطم': أنت جيت معاهم يا غراب البيت

‏والله عايزه اعمل منكم انتو الاتنين بطاطس محمره 

‏ابتسمت ابتسامه صفراء نورت الحاره يا جاسر بيه والله لولا أن أمي ممكن تفتكر اني جايبه نسوان قاصدي رجاله كنت قولتلك اتفضل 

‏ ماردش عليها لف وشه لـ شجن وباس إيدها قدام عين دعاء

 وقالها بصوت واطي: انزلي يا حبيبتي مع دعاء وماتفكريش في أي حاجة أنا هكلم ابوكي ما تقلقيش يا حبيبي أنا ضهرك وسندك دلوقتي اسندي عليا زي ما تحبي 

نزلت وهي ووشها منور من السعادة والكسوف 

 سحبتها دعاء من إيدها وبصت لـجاسر بـ خوف وشاورت له

 مع السلامه يا باشا مع السلامه طريق جهنم أن شاءالله انت والا معاك جاسر شاور لـ عثمان

 وقاله بـأمر: اطلع بينا يا عثمان علي المخزن 

‏أول ما طلعوا الشقة رزعت الباب و لفت لـشجن وبصتلها من فوق لتحت بذهول

‏دعاء: تعاليلي بقا يا ست شجن إيه الروقان اللي أنتي فيه ده يتحكيلي حرف حرف لاما افضحك وانتي عارفه لساني

 بصت ليها ببرائه ده هزقني يا شجن ده خلي كرامتي زي الشرشوبه رايح جاي بيها وانا سكت عشان خاطرك 

‏لا مهو باين عشان خاطري مش عشان ممكن يعجنك 

‏بغض النظر إن هو ممكن يتويني ومحدش يعرف عني حاجه بس لاعلمك اديته كلام في جنابه عشانك وانتي جايبلي ابتسامتك من الودن للودن 

‏ رمت نفسها على الكنبة وهي بتنهج بابتسامة وقالت:

‏عارفه السماء انا كنت لمسها ونايمه في حضنها كمان 

‏

‏

‏كانت العربية بتنهش طريق المخازن المهجور نهش، والهدوء جوه العربية كان مرعب مبيقطعهوش غير صوت الموتور وصوت أنفاس جاسر المنتظمة زيادة عن اللزوم انتظام ما بيجيش إلا قبل إعصار هيهد الكل 

‏ كان ساند ضهره ورا وعينيه مثبتة على مراية العربية عينه جت في عين عثمان اللي كان سايق

 سأله بصوت

‏'كل حاجة تمام يا عثمان حد في الرجالة مد إيده عليه'

‏ رد بسرعة 

‏"عيب يا باشا رجالتك فاهمين الأصول محدش لمسه ولا حد حتى اتجرأ يبص له بصه

 وحشة زي ما أمرت سليم وزي الفل لحد ما جنابك توصل

‏وصلوا المخزن وبمجرد ما العربية وقفت الحراس فتحوا الأبواب في ثانية نزل بخطوات واثقة وصوت جزمته على الأرض كان له رنة تخوف دخل المخزن اللي كان نوره خافت وريحته عفرة وتراب وفي النص كان 

"أبو شجن" متكتف في الكرسي والعرق مغرقه من الخوف

‏أول ما عينه وقعت على جاسر

 صرخ بصوت مهزوز وكأنه بيشحت روحه 

‏"يا باشا والله مظلوم أنا معملتش حاجة من ساعة آخر مرة وأنا ماليش دعوة بيها لا بكلمها ولا بتكلمني دي بت كدابة متصدقهاش يا باشا دي غداره زي امها 

‏مكملش الكلمة لأن كان وصل قدامه في لمح البصر ونزل  بإيده على وشه ضربة خلت الكرسي يرجع لوار وطى عليه ومسكه من شعره خلاه يبص في عينه بالعافية 

وقاله بفحيح 

‏ اسمها ده لو جه على لسانك الوسخ ده تاني هقطعهولك وأرميه للكلاب  دي تاج راسك ولو فاكر إنك عشان أبوها هتحميك مني تبقى غبي اللي بيجي على سكتها، مبيطلعش من هنا عايش فاهم

‏ كان بيترعش لدرجة إن سنانه كانت بتخبط في بعضها  قام وقف ونفض إيده بقرف وبص لـعثمان اللي واقف ورا 

وقاله ببرود مرعب

‏"اطلع بره يا عثمان وقفل الباب ده وراك 

‏عثمان قلق واتحرك خطوة لقدام وقال بحرص:

‏"بس يا باشا 

‏ لفي ليه ببطء وعينيه كانت بتلمع بـنظرة خلت عثمان يتسمر مكانه وقاله كلمة واحدة بلهجة مفيهاش رجوع:

‏"سمعت أنا قولت إيه يا عثمان بره 

‏ فهم إن الكلام خلص وطى راسه وقال: "أمرك يا باشا" وانسحب لورا وهو بيقفل باب الحديد 

‏ سحب كرسي  وقعد عليه وحط رجل على رجل وطلع ولاعته وفضل يلعب بيها صوت تكة الولاعة كان بينزل على قلبه زي الطلق 

‏ بصله بنظرة خالية من أي رحمة وقال بصوت هادي ومرعب

‏"بص بقى يا روح أمك أنا خلقي ضيق ومش جاي هنا أسمع نويح أنت هتقعد وتحكي لي كل حاجة من أول يوم شجن اتولدت فيه لحد اللحظة دي ومين اللي كان بيمد إيده عليها

 لسه هيفتح بقه يبرر لي ويكدب اي كلام هي قايله لي جاسر 

‏ ميله بوشه وقاله بتحذير

‏فكر كويس قبل ما تنطق بحرف كدب قدامك طريقين يا تقر وتعترف وتخلصني يا إما هقوم أنفض هدومي وأطلع بره وأسيبك للرجالة اللي واقفة على الباب وهما الصراحة وحشهم اللعب هيخلوك تتعامل معاملة المره الشرموطه الا بتدور علي دكر يطفي ناره فأنت ودماغك بقا 

‏ وشه بقى لونه أزرق وريقه نشف وبدأ يتكلم بصوت متقطع:

‏لا يا باشا أبوس إيدك بلاش أنا أنا هحكي لك كل حاجة والله هي شجن من صغرها وهي شايلة الهم هي وأمها 

‏انت هتغنيلي انا انا ما تخلص يا روح امك

ححاضر أنا راجل على قد حالي اتجوزت أم شجن كانت ست غلبانة ومابتفتحش بؤها وخلفنا 

شجن ومن يوم ما شرفت الدنيا والمصاريف زادت وأمها مابطلتش زن أصل البت عايزة تتجهز

 أصل البت عايزة لبس أصل البت عايزة تاكل وأنا أجيب منين يا باشا لحد ما جالي واحد صاحبي وقالي فيه راجل ابن حلال بيدور على عروسة

 قولتله عرفني عليه فوراً  أنا قولت في بالي أي حد ياخدها حتى لو خدامة المهم تغور وتخلصني من حملها ومن زن أمها اللي مبيخلصش وعرفت رجب كان راجل مالي مركزه كده وشغال سواق

 عند حد مهم وعايش عيشة حلوة قولت بس أهي تجوزه وتغور من وشي تعيشان في العز ده وأنا أرتاح بقي 

‏

‏كان بيسمع الكلام ده وهو بيضغط على سنانه لدرجة إن عروق رقبته برزت والولاعة في إيده كانت هتتكسر من قوة قبضته 

‏أهو ده اللي حصل يا باشا اتعرفت على رجب واتكلمنا وكان بيجيلي البيت وشاف البت

 وأعجب بيها ولقيته بعديها بكام يوم فتحني إنه عايز يتقدم لها وأنا طبعاً وافقت قولت أسترها

 وأرتاح واتجوزوا، وكانت تجيلي كل يوم مضروبة ومنهوشة بس هي اللي كانت بتعصبه يا باشا مية مرة أقولها خليكي زي أمك اضربي وانكتمي

 ومترديش اسمعي كلام جوزك وخليكي مطيعة،

‏بس هي اللي كانت دماغها ناشفة وبترد الكلمة

 بعشرة لحد ما الجيران في مرة كلمونا وقالوا إنها كانت عايزة تنط من المنور للجارة اللي جنبها عشان تهرب من ضربه

‏هنا جسمه اتخشب، وبص له بذهول مرعب وتنح وهو مش مصدق كمية القذارة اللي بيسمعها وقال بصوت غريب

‏عيد اللي قولته ده تاني تنط منين

‏رد بمنتهى البرود:

‏كانت عايزة تنط من المنور يا باشا وتجيب لنا تهمة وتفضحنا بنت الوسـخه يعني بدل ما تحمد ربنا إنه ساترها في بيت راجل كانت عايزة تموت نفسها وتوديه في داهية 

‏قبض على إيده لدرجة إن ضوافره غرزت في 

جلده  وسأله بصوت مخنوق من الصدمة:

‏اسمه إيه جوزها ده اسمه إيه بالكامل

‏رد بسرعة:

‏رجب عبد السلام البرعي يا باشا 

‏أول ما الاسم طلع من لسانه  اتصدم صدمة عمره الدنيا لفت بيه والاسم رن في ودنه زي الرعد رجب عبد السلام البرعي في سرُّه وهو بيبربش

 بعينه بذهول: لا.. لا مستحيل.. رجب معقول يطلع هو مستحيل تكون الدنيا صغيرة كد لا لا افتكر الموقف ده 

‏

‏"فلاش باك "

‏

‏كان قاعد في مكتبه والجو كان  ضلمة مفيش غير كشاف صغير مسلط نوره على المكتب

 وماسك في إيده كاس "الويسكي" وبيهزه بملل والسيجارة في إيده التانية دخانها كان مالي

 المكان فجأة تليفونه رن بص للاسم لقى "رجب" فتح الخط وحط التليفون على ودنه من غير ما ينطق ولا كلمة.

‏رجب: الو.. يا باشا.. الحقني أنا واقع في مصيبة.

‏جاسر: 'ببرود وهو بينفخ الدخان': خير يا رجب خلصني مش فاضي لنواحك أنا 

‏رجب: يا باشا أنا قلقان البت دماغها ناشفة أوي وبدأت تشتكي لأمها من كل حاجة أنا خايف لأمها تقومها عليا بزيادة وتروح تعملي محضر في القسم وساعتها مش هعرف ألم الليلة 

‏أخد بوق من الكاس وابتسامة خبيثة اترسمت على وشه وهو بيبص لسقف المكتب 

‏محضر ومين اللي هيصدق واحده مجنونه أنت ناسي الدوا اللي قولتلك تمشيها عليه الدوا ده مع الوقت بيخليها تخلبط في الكلام وتشوف

 خيالات يعني لو راحت للقسم ونطقت بكلمة بحالتها دي أول حاجة هيطلب منها تحليل

 والتحليل هيثبت أنها بتتعطي ادويه داخله جدول يعني علي الاقل تلات سنين وكلامي اللي أنت هتنفذه كفيل يلبسها قضية جنون ويرميها

 في المصحة باقي عمرها علشان تحرم تنصب علي الرجاله انا مش عارف اي الا وقعك في بنت الوسخه دي 

‏رجب بمسكنه : كنت بحبها يا باشا قولت بنت غلبانه وهستر عليها طلبت فاجره مع كل واحد شوي علي سرير يا باشا لحد ما شيكت فيها

 وجهتها وبدل ما تندم كانت واقفه تساومني علي شقايا وتعب عمري كله 

‏جاسر: طيب اسمع يا رجب اهدا كد وركز في الا

 هقوله  اعمل معاها مشكلة كبيرة  حاول تستفزها بكل الطرق لحد ما تفقد أعصابها وتخربشك أو تزقك وفي وسط الخناقة دي خدها عند منور

 الشقة أو السلم المهم تقول انها وقعت نفسها عشان تلبسهالك بس وقعة خفيفة مش عايزها

 تموت أنا عايزها بس تتكسر عشان نثبت إنها كانت بتهجم عليك وفقدت عقلها وكانت بتحاول تنتحر فهمت

‏رجب سكت لحظة من الصدمة وبعدين ضحك بـدناءة وقال بصوت فيه إعجاب أعمى:

‏يا باشا.. والله دماغك دي ألماظ مفيش حد يقدر يوقعك أبداً هقوم أنفذ دلوقت بالحرف

 

‏ قفل السكة من غير ما يرد ورفع كاسه في الضلمة وهو بيحيي نفسه على الفكرة الشيطانة دي

‏

‏

‏

‏جاسر اتنفس بصعوبة كأن الأوكسجين خلص من المكان، وصرخ بأعلى صوته وهو لسه عينه مثبتة على الفراغ: 

‏عثمان

‏عثمان دخل جري وهو مرعوب من نبرة صوت جاسر:

‏تأمرني يا باشا حصل إيه

‏جاسر بصله وعينيه فيها نظرة تايهة ومصدومة بس ممزوجة بغل ملوش آخر 

‏هاتلي رجب دلوقتي

خرج من باب المخزن وهو حاسس إن حيطان المكان بتطبق على علي نفسه 

وقف في الهوا وسحب نَفَس طويل وكأنه بيحاول يغسل ريحة الماضي القذرة اللي هجمت عليه فجأة 

سند راسه على جسم العربية وعينه زايغة في العتمة وهو عمال يهمس لنفسه بصوت مخنوق ومصدوم

‏"لا.. لا مستحيل.. مستحيل ده يحصل معقولة الوجع ده كله كان بسببي معقولة أنا اللي كنت برسم طريق موتها معقول كنت سبب في موت أمها 

‏جسمه كان بيرتعش من الغضب والندم اللي اختلطوا في دمه وبقوا زي السم 

ركب العربية ودور الموتور بصرخة خلت التراب يغطي المكان 

عثمان جري عليه بسرعة ووقف جنبه وهو مش فاهم الحالة اللي وصل لها جاسر.

‏'عثمان بقلق وذهول رايح' : فين بس يا باشا في الحالة دي استنى أنا أسوق بيك 

‏جاسر بصله بنظرة "موت" نظرة خلت عثمان يرجع خطوة لورا من الرعب ورد عليه بصوت طالع من جهنم

‏ملكش دعوة رايح فين قدامك ساعة واحدة يا عثمان ساعة وتكلمني تقولي إنك جبته فاهم يا عثمان رجب يكون تحت رجلي ساعة ودقيقة هتلاقي نفسك بتتشاهد على روحك 

‏قبل ما عثمان ينطق بحرف كان طار بالعربية والكاوتش كان بيصرخ على الأسفلت

كان سايق العربية على سرعة جنونية العداد عدا الـ ١٨٠ وهو مش شايف قدامه غير شريط أسود بيمر وكلام رجب

 في التليفون بيرن في ودنه زي الصدى اللي بيعذب الروح 

‏بدأ يفتكر رجب وهو بيكلمه في التليفون بضحكة خبيثة وبيقوله: يا باشا النهاردة علمت عليها علقة لما خليتها تبوس رجلي عشان أسيبها خليتها  زي الجثة الهامدة لا بتنطق ولا حتي بترمش

‏ ضغط على الدريكسيون بقوة لدرجة إن إيده كانت هتتكسر

 وصوت رجب وهو بيكمل بـفخر بيتردد في خياله: عملت زي ما قولت يا باشا، بقيت أسومها على أمها لو نطقتي بكلمة أو فكرتي تهربي أمك هي اللي هتدفع الثمن والبت من خوفها بتضرب نفسها عشان ترضيني 

‏والأسوأ من ده كله افتكر اللحظة اللي كان فيها شيطان، لما رجب قاله إن أمها بدأت تحس وتنكش وراه

‏ رد عليه ببرود وهو بيشرب كاسه: لو أمها هتفتح بقها اخلص منها يا موتها بطريقة تبان طبيعية

‏كان سايق صرخ صرخة مكتومة وضرب الدريكسيون بإيده:

‏أنا أنا اللي عملت فيها كل ده انا الا قتلت امها 

‏الدموع كانت محبوسة في عينيه بس محروقة بنار الغل كان حاسس إنه عايز ينهش لحم نفسه كل خربوش شافه على جسم شجن وكل أثر ضربه كانت معلمه علي جسمها كنت من صنع أيده وكل نظرة خوف كانت بتبصها له طلعت بسببه هو 

هو اللي كان بيرسم السيناريو ورجب كان مجرد الكلب اللي بينفذ

‏ كان بيسوق وهو مش عارف هيروح فين بس كان عارف حاجة واحدة إن شجن ضاعت منه طلع علي شقه المعادي

الشقة اللي كانت شاهدة على نص بلاويه وقراراته السودة وعلي احلي أيام في عمره

 دخل وقفل الباب وراه برزعة هزت الحيطان ومن غير مقدمات بدأ يكسر في كل حاجة تقابله الفازات الكراسي التحف الغالية اللي كان شاريها بفلوسه  كان بيكسرها وكأنه بيكسر في عضم نفسه

‏في الآخر وقع على الأرض وهو بيلهث عينه جت في المراية الكبيرة اللي في الصالة بص لصورته واشمأز، زحف لحد ما بقى قدامها وش وش وبدأ يكلم نفسه بصوت مخنوق بالغل والندم

‏شوفت شوفت وصلتنا لإيه يا جاسر دي الست الوحيدة اللي قلبك دق لها الست الوحيدة اللي حسستك إنك بني آدم في حضنها أنت مش بس قتلت أمها أنت قتلت روحها سكنت الشيطان في بيتها وكنت بتمول عذابها وأنت بتشرب وبتضحك

‏بدأ يضحك بوجع هستيري 

وهو بيعاتب نفسه:

‏إنت المسخ اللي عملته بإيدك فاكر كام مرة نمت فيها مرتاح وأنت عارف إن فيه ناس بتموت بسبب كلمة منك فاكر كام بيت خربته وكام عين بكت دم النهاردة ربنا ردلك القلم بعشرة يا جاسر بعتهالك عشان يدوقك طعم الجنة ونعيمها  وبعدين يفوقك على حقيقة إنك إنت اللي بنيت جهنم اللي هي عاشت فيه  إنت دلوقتي الا هتدفع تمن الكرباج اللي كان بينزل على جسمها هتدفع تمن كل كلمه أااااه طلعتها كنت بتخطط إزاي تخلي ريحة الموت تسكن حضنها واديكي هتموت وتطمن حضنها 

‏

‏ضحك ضحكة ممزوجة بعياط وضرب المراية ببوكس خلى إيده تجيب دم 

وكمل وهو بيجلد نفسه:

‏فاكر لما كنت فاكر نفسك إله عالأرض وبتدوس علي كل الناس فاكر لما كنت بتصحي تقول هستمتع يمين النهارده اهو ربنا خلك تقع في الحفره الا كنت بترسمها لكل الناس المظلومه منك 

‏فجأة موقف نط قدام عينه بكل تفاصيله المحكمة

‏افتكر الست الغلبانة اللي جوزها اتظلم في قضية كبيرة وجاله "إعدام" دخلت عليه المكتب وهي بتنهار بتبوس إيده وتقوله: أبوس رجلك يا باشا جوزي مظلوم وأنت الوحيد اللي تقدر تطلعه عيالي هيتشردوا أبوس رجلك طلعهولي أنت عارف أنه مظلوم يا باشا 

‏وقتها بصلها ببرود طلع سيجارته وقالها بمنتهى القذارة: موافق أخرجه  بس المقابل "ليلة" تقضي ليلة معايا تكوني خدامه تحت رجلي تتشرمطي قدامي و تحت رجلي كانك ما شوفتيش راجل قدامك قبل كده وتاني يوم جوزك يخرج 

‏بصتله بذهول الدموع اتجمدت في عينها وقفت بكرامة وصرخت فيه: جوزي يموت بطل وشريف ولا إني أفرط في عرضه لواحد مريض زيك يا نجس  روح يا شيخ ربنا ما يريح قلبك أبدًا ويوريني فيك عجائب قدرته ربنا يحرق قلبك على أغلى ما عندك زي ما حرقت قلبي وياخد حق كل مظلوم ظلمته بجبروتك 

‏بص لصورته في المراية والدم سايل من إيده ملامحه اتغيرت الوجع والندم اتحولوا لـجنون وسواد عمي عيونه قام وقف وهو بينفض الدم عن إيده

 وبص للمراية بتحدي مرعب وقاله

‏بس لا.. مش هسيبها  مش بعد ما لقيتك يا شجن هضيعك مني حتى لو كنت أنا الشيطان اللي دمرك، هكون أنا السجان اللي هيحبسك في جنته مش هتمشي مش هتبعدي هحرق روحك بحبي هنتسجن أنا وأنتي في سجن واحد سجن هوسي مش بعد ما لقيتك 

‏مش هعتقك  هداوي جروحك بإيدي اللي جرحتك وهخليكي تحبيني وأنا القاتل وأنا الضحية إحنا الاتنين مكتوب علينا العذاب وأنا موافق نتحرق مع بعض بس متبعديش عني  هخليكي تدمني هوسي تتنفسيني زي ما بتنفسك تموتي من غيري زي ما أنا هموت من غيرك أنا اللي صنعت جحيمك وأنا اللي هكون قدرك للأبد

‏°°°°°°°°°°°°°°°°°°°°°°

انجويي يحبايبي