الفصل الثالثه و العشرون

 

اقتباس🔥

▪▪▪▪▪▪▪▪▪▪▪▪▪▪▪▪▪▪▪

كانت ماشية بتتسحب عينيها بتلف يمين وشمال في الشارع كأنها عاملة عملة

 وصلت قدام الباب خدت نفس عميق وابتسمت ابتسامه صفراء

 وخبطت بخفة علي الباب أول ما كوثر فتحت وشها نور بضحكة صافية

‏يا ألف نهار أبيض ده إيه النور اللي هل علينا ده يا عنايات ادخلي يا حبيبتي ده البيت زاد بركة 

دخلت ورجليها بتغرس في السجاد اللي كان بياكل من قلبها من كتر حلاوته كانت بتبص على البيت بعيون زي الرصاص ونفسها الشقة دي تولع تتهد عليها 

قعدت على طرف الكرسي وهي بتعدل طرحتها 

وقالت بلؤم ‏تسلمي يا ست كوثر الشقة بقت تشرح القلب ياختي متهنيين فيها

 ياحبيبتي.. صحيح وأنا طالعة لقيت الظرف ده واقع قدام الباب قلت يا بت يا عنايات شيليه أديه لام شجن لاحسن يكون ورق مهم لسي عبد العزيز ويحصل مشاكل الأمانة حمل تقيل ياختي

‏خدت منها الظرف 

‏كتر خيرك يا حبيبتي والله أصيلة وطول عمرك صاحبة واجب ده العشم برضه

‏فجأة وشها اتخطف وبدأت تنهج 

‏يا مري كوباية مية والنبي يا كوثر ياختي شرقانة شرقة وحشة مش قادرة أخد نفسي ياختي 

‏ قامت مفزوعة: سلامة قلبك ثواني وتكون عندك المية الساقعة حاضر 

‏أول ما غابت في المطبخ

 عنايات تحولت و عينيها وقعت على بخاخة الربو اللي كوثر ما تقدرش تستغنى عنها، كانت محطوطة على الكرسي بلمحة بصر مدت إيدها خدت البخاخة وحطيتها في صدرها وطلعت

 واحدة تانية فاضية كانت مخبياها وحطتها مكانها بالظبط.

‏رجعت كوثر بكوباية المية خدت منها المية وشربتها علي مرة واحدة وهي بتعمل نفسها بتتنفس بالعافية

آه الحمد لله رويتي عطشي يا حبيبتي اللهي يروي عطشك بمياه زمزم يارب طيب ياختي أمشي أنا بقى عايزة مني أي حاجة عشان الحق مني بتاع الفراخ اجيب منها فرخه اغدي بيها الراجل 

‏ ودعتها وهي بتبوسها: تسلمي يا غالية ما انحرمش منك ولا من مجيتك والسؤال ده يا عنايات مع السلامة يا أختي 

‏نزلت عنايات السلم وهي بتعدل البخاخة في صدرها وعلى وشها ضحكة صفرا 

وطلعت الموبايل من البوق

 واتصلت علي رجب وقولت 

‏كل حاجه تمام يا رجب واديتها الظرف الا قولتلي عليه الا هو اي الا في الظرف يا واد 

‏وانتي مالك يا مره انتي تنفذي كلامي وكلام الباشا وبس واريحك صوره المحروسه بنتها وهي في أوضاع مخلة يا عيني بتخوني يا عنايات 

‏يلهوي عليك يا خويا لا تستاهل طالعه لأمها وليه عايبه 

‏احسن بردو خلينا نرتاح منها ومن قرفها انا همشي انا عشان محدش يشك فيا وابقي خلي الباشا بتاعك يبعتلي حلوتي لما نسمع خبرها يارب

▪▪▪▪▪▪▪▪▪▪▪▪▪▪▪▪▪▪▪▪▪▪

انجوييي يحبايبي