الفصل الثالثه و العشرون

Part16

نحن لا نختار من نهوى بل هو القدر الذي ينسج الخيوط حول أرواحنا بدقةٍ مذهلة.

نظن أننا أسياد قراراتنا حتى نجد أنفسنا غرقى في بحر من الغرام لا نجاة منه.

واليوم تتدخل يد الأقدار لتضع حداً للانتظار وتجمع الشتات في لقاءٍ لم يكن يوماً بمحض الصدفة، بل هو موعدٌ سُطِر في لوح القلوب منذ الأزل.

في اللحظة اللي كانت فيها مغيبة في حضنه وهو غرقان في ريحتها كان بيبوسها بشغف كأنه بيعوض سنين الانتظار.

فجأة الباب اتفتح بعنف وضرب في الحيطة وصوت كعب عالي هز المكان.

وقفت أميرة على الباب ملامحها اتشوهت من الصدمة وعيونها وسعت وهي شايفة جوزها اللي عمره ما انحنى لواحدة ممدد شجن على الكنبة وبيبوسها بلهفة مرعبة، عمره ما عملها معاها.

صرخت بصوت شرخ هدوء المكتب: جااااسر!

شجن انتفضت كأن كهربا ضربت في جسمها زقت جاسر بعنف وبعدت عنه، وهي بتعدل لبسها بإيد مرعوبة وشعرها منكوش ووشها أحمر من الكسوف والخوف.

أما جاسر فقام ببطء مستفز مسح طرف شفايفه بصباعه وهو باصص لأميرة ببرود خالي من أي ذرة ندم كأنها هي اللي غريبة مش هو.

وقفت وهي بتنهج من الغل:

ايه اللي أنا شايفاه ده هي حصلت بتبوس حتة موظفه في مكتبك يا جاسر وعلى الكنبة كمان

عينيها وقعت بالصدفة على الحيطان شافت صور شجن اللي مالية المكان بكل الألوان والأشكال.

لفت حوالين نفسها وهي مش مصدقة حست إنها في كابوس.

إيه ده إيه الصور دي أنت راسمها أنت عامل لها معبد هنا لا لا مستحيل اللي بيحصل ده أنت هتقف ساكت اتكلم قول إيه اللي أنا شايفاه ده مين دي

ما استنت أنه يرد عليها ويبرر الموقف.

قربت من شجن اللي كانت واقفة بتترعش ورفعت إيدها عشان تضربها بالقلم وهي بتصرخ:

يا جربوعة يا خطافة الرجالة أنا هوريكي قيمتك يا زباله

بس قبل ما إيدها تلمس وش شجن كانت إيد جاسر قابضة على معصم أميرة بقوة لدرجة إن بتحس بعضمها بيتكسر تحت أيده.

إيدك لو اتمدت عليها هقطعها ليكي يا أميرة أنتِ هنا اللي غريبة مش هي مين سامحلك تخرجي أصلاً من الفيلا وعرفتي منين

بصت له بذهول ودموعها نزلت:

أنا اللي غريبة أنا مراتك لو مش فاكر وده مكتبك في شركتنا أنت اتجننت يا جاسر وكل اللي همك جيت إزاي وعرفت منين مش همك كرامتي قصادها ولا بهدلتك ليا قدامها؟

وقفت مكانها كأن صاعقة ضربتها الكلمة نزلت عليها زي التلج: مراتك.

بصت لجاسر اللي كان لسه ماسك إيد أميرة بقوة وعيونها كانت بتلمع بصدمة واستغراب.

أميرة سحبت إيدها من جاسر بغل وبصت لشجن بسخرية:

آه يا حبيبتي مراته أميرة هانم المحمدي اللي شكلها مكنتش مالية عينه وهو بيدور على ملامحك في اللوحات دي.

أنتِ كنتِ فاكرة إيه إنه هيعملك مقام وتعيشي فيه ده واحد متجوز، ومش متجوز أي حد، ده متجوز أميره هانم المحمدي.

يعني أنتِ مجرد شهوة نزوله بيفضي فيها يا عيني أكيد عشمك بالجواز سوري يا حبيبتي آخره بينام بس.

أما جواز فقدامك أهو مش محتاج.

لفت لجاسر وصوتها طلع مخنوق بالدموع:

أنت متجوز إزاي يعني أنت كنت بتضحك عليا بكل ده اللوحات والكلام...

لمست شفايفها مكان البوسه ورجعت بصتله:

كل ده وأنت في ذمتك واحدة تانية

حاول يقرب منها وعيونه فيها رجاء:

اسمعيني والله أنتي فاهمه غلط الجواز ده مجرد... مجرد... مفيش حاجة بتربطني بيها أنا قلبي مكنش فيه غيرك من قبل ما أشوفك.

أميرة ضحكت بسخرية:

مجرد إيه يا حبيبي أومال دول إيه

قلعت البلوزه ونزلتها وريتها ضهرها اللي مليان علامات كرباج وضرب واصل لحد مؤخرتها.

امممم سوري مش هينفع تشوفي الباقي أصل جاسر بيغير مووت عليا يا حبيبتي ده واحد سادي ما أظنش هتعرفي تتعاملي معاه.

قرب منها ومسك بوقها وحاول يسكتها:

انتي عارفه لو ما سكتيش أنا هعمل فيكي إيه غوري على البيت

مش هسكت شوفي انتي

 بيعمل معايا كده هيعمل معاكي إيه يا حبيبتي

رجعت لورا وهي مصدومة:

سااادي أنا كنت خايفة منك ومستغربة هوسك ده بس مكنتش متخيلة إنك حقير للدرجة دي

بتجيبني مكتبك في شركتك وتفرّجني على صور وتقولي "شجني" وأنت متجوز

أنت فعلاً مريض ولازم تتعالج انت ومراتك

كانت لسه هترد عليها صرخ فيها:

اخرسييي اطلعي بره يا أميرة أنا هعرفك إزاي تخرجي من غير إذني براااااا!

شجن وهي بتجري ناحية الباب:

بس انت وهي أنا اللي هطلع بره، بره حياتك كلها

يا رب الصور دي تتحرق بيكم وبالقرف اللي بتعمله ناس مجنونة

طلعت تجري من المكتب وهي مش شايفة قدامها:

ده متخلف عقلياً ده مريض نفسي مستحيل ده يكون طبيعي والله كان ماشي وراها بخطوات سريعة بينادي عليها بصوت عالي:

شجن اسمعيني بس شجن اقفي متمشيش كده

الموظفين كلهم وقفوا مصدومين من المشهد بذهول وهي ولا كأنها سامعة كانت بتجري ناحية الأسانسير.

وهي بتطلع تليفونها وطلبت رقم دعاء.

جاسر قرب منها وحاول يمسك إيدها قبل ما تدخل الأسانسير:

والله ما زي ما أنتِ فاهمة خليني أشرحلك أميرة دي مجرد...

زقت إيده بعنف وهي بتصرخ فيه:

ابعد عني ملمسنيش أنت واحد غشاش ومريض ابعد عني روح اتعالج انت ومراتك بعيد عني

فتحت دعاء السكة وصوت شجن طلع مخنوق:

دعاء، أنتِ فين

ردت عليها بخوف وهي لسه بتحاول تلملم نفسها بعد خناقة عثمان:

أنا قدام الشركة يا بنتي في إيه صوتك ماله

مفيش... أنتِ راكبة تاكسي ولا إيه

أيوا راكبة وواقفة مستنياكي في إيه يا شجن قلقتيني عليكي، حصل إيه فوق

وهي بتدخل الأسانسير وبتقفل الباب في وش جاسر اللي كان هيتجنن:

قولتلك مفيش خلي التاكسي واقف، أنا نازلة ليكي حالاً أوعي تتحركي.

فضل يضرب بإيده على باب الأسانسير بغل:

مش هسيبك يا شجن مش هتمشي وتسيبي قلبي محروق كده!

نزل جري على السلم زي المجنون عشان يلحقها قبل ما تركب.

وصلت الدور الأرضي وخرجت تجري لبوابة الشركة.

لقت دعاء فاتحة باب التاكسي حدفت نفسها جوه العربية وهي بتصرخ في السواق:

اطلع يا أسطى بسرعة أرجوك اطلع

دعاء اتخضت:

في إيه يا شجن ومين اللي بيجري وراكي ده أنتي عملتي إيه فهميني

بصت من شباك التاكسي لقت جاسر خارج من البوابة وشه أحمر وعروق رقبته بارزة وهو بيشاور للتاكسي يقف.

وبصت الناحية التانية لقت عثمان واقف بيمسح دم من وشه وباصص ليهم بذهول.

السواق طلع بأقصى سرعة

كان عادل واقف بعيد شوية ساند ضهره على العربية وعينه مش بتنزل من على البيت.

فجأة ظهرت شجن ومعاها دعاء كانوا بيمشوا بخطوات واسعة وسريعة ملامحها كانت مشدودة وعروق رقبتها بارزة من كتر الغيظ.

أول ما شافهم عدل وقفته بسرعة، وطلع الموبايل وضغط على اسم جاسر:

جاسر بيه لسه واصلين حالاً.

صوت جاسر جه من الناحية التانية زي الرعد:

رجلك ما تتحركش من مكانك عينك على الباب وتعرفلي أي حد يدخل أو يخرج أنا دقايق وأكون عندك.

على السلم كان صوت خبط رجلين شجن مسموع في البيت كله.

أول ما وصلوا قدام باب الشقة لقوا عنايات واقفة ساندة بكتفها على الحيطة وبتاكل لبانة ببرود مستفز بكتفها ليهم كأنها عاملة كمين.

يا أرض احفظي ما عليكي مالك يا بت داخلة بزعابيبك كده ليه ميكنش بيت أمك يختي

وقفت فجأة ولفّت لعنايات بجسمها كله عينيها كانت بتطلع شرار ونظرتها كانت كفيلة تخلي أي حد يرجع لورا.

ملكيش دعوة بأمي يا عنايات وحياة أمك ابعدي عني أنا مش شايفة قدامي

تف تف يختي خوفت كده جرى إيه يا بت إنتي نسيتي نفسك ولا إيه

قربت من وشها لدرجة إن أنفاسها كانت بتخبط في وش عنايات وقالتله:

عنايات يا بت رابعه ابعدي عن وشي الساعاتي والا وقسماً بالله يا عنايات لو ما اتلميتي وداريتي وشك ده عني لأكون مخليا الدكاترة في المستشفى ما يعرفوش يتعرفوا عليكي إذا كنتي راجل ولا ست ابعدي من طريقي

عنايات اتسمرت مكانها ولسانها اللي مبيسكتش لزق في سقف بوقها من الصدمة.

زقتها بكتفهاودخلت هي ودعاء الأوضة ورزعت الباب وراهم رزعة هزت النجفة اللي في الصالة.

أول ما دخلوا الأوضة رمت شنطتها على السرير بعنف، وهي بتنهج وجسمها كله كان بيترعش من كتر العصبية والكسرة اللي مدارياها ورا غضبها.

دعاء قفلت الباب وراهم وبصت لشجن بقلق وخوف قربت منها وحطت إيدها على كتفها بتحاول تهديها:

طيب اهدي يا شجن خدي نفسك بس وفهميني في إيه والله العظيم أنا قلبي واكلني عليكي وشك أصفر خالص إيه اللي حصل طيب

لفت ليها وفجأة دموعها اللي كانت حبساها غلبتها وبصوت مخنوق ومكسور قالت:

طلع متجوز.. البيه طالع متجوز وعايز يتسلى بيا، شفتي العوض

بصدمة وذهول:

إيه متجوز إزاي ده ده شكله مش باين عليه خالص ولا تصرفاته كانت بتقول كده إزاي يعني

بضحكة وجع وسخرية:

ولا كان هيبان لولا إن مراته جت بنفسها توريني بيعمل إيه فيها وهما نايمين مع بعض قلعتلي توريني حبه على جسمها.

طلع سادي.. طلع بيتلذذ بوجع اللي معاه.. طلع رجب التاني.

دعاء بتردد وهي بتحاول تلاقي مبرر:

يمكن... يمكن فيه حاجة غلط طب اديله فرصة يدافع عن نفسه يا شجن يمكن مظلوم

انتي ليه ما خلتهوش حتى يدافع عن نفسه ليه ظلمتيه من غير ما تسمعي يا شجن ليه حكمتي بسرعة

شجن صرخت فيها بوجع وهي بتخبط على صدرها:

أديتله أديتله لما طلعني لسابع سما وحسسني إني ملكت الدنيا وفجأة قام حادفني لسابع أرض

ده أنا كنت هصدق يا دعاء كنت هقول ربنا بعتلي العوض أخيراً والله لو مكنتش هحبه كنت هحاول ده كفاية نظرته ليا اللي حسيتني إني ست بجد، إني مرغوب فيا إني بنادمه من على حقها تقول لا أو آه تقول عايزه علاقة أو لا.

إزاي، إزاي حد يضيع من حياته 3 سنين عشان كدبة.

دعاء برقت عينيها باستغراب:

3 سنين 3 سنين إزاي وإنتي لسه عارفاه من قريب.

البيه طلع بيحلم بيا وبيدور عليا من تلات سنين قولتلك مش مريح يا دعاء، قولتلك تصرفاته غريبة واهتمامه زيادة عن اللزوم وانتي تقوليلي بطلي ظلم يا شجن اتقي الله في الراجل يا شجن.

سكتت لحظة ودموعها نازلة زي الشلال وكملت بقهر:

يا شيخة أنا نفسي أظلم ولو مرة واحدة في حياتي نفسي أعرف إحساس الظالم ده إيه بدل ما أنا طول عمري الحيطة المايلة طول عمري أنا اللي بتظلم وأنا اللي بتاخد على قفايا.

في الآخر قولتلك يا دعاء بلاش والله ما حمل وجع تاني.

لا لا يا شجن ده الراجل كويس.

مهو رجب كان كويس مش ده كلامك راجل ملو هدومه يا شجن وافقي ريحي أمك وارتاحي من عنايات وأبوكي.

يا دعاء مش مرتاحة هو من أمتى في حد بيرتاح يا شجن.

حتى أمي قولتلها ياما شكله مش مظبوط.

الله يا شجن هو الست هتتجوز الشكل ولا هتتجوز الراجل بطلي دلع بنات بقا.

وبطلت شوفتي بطلت إزاي.

لا انتي ما شوفتيش استني أوريكي.

قامت قلعت كل هدومها:

شوفتي جسمي كان عبارة عن تشوهات وكدمات مازالت سايبه أثر لحد دلوقتي.

شايفة مين هيقبل بي بقايا واحدة ست تحبي تشوفي كمان اتفضلي.

شايفة صدري عامله إزاي.

يا شيخة أنا بتكسف أبص لنفسي في المرايا لا أترعب.

ما بالك الناس بقيت بخاف ألبس نص كم حتى بيني وبين نفسي لافتكره على جسمي كل شوية.

أدعك فيه عشان أمسح علامته ما بعرفش هموت وأعرف ذنبي إيه.

ليه عملت إيه ردي عليا ليه أنا بالذات يحصلي كل ده.

طيب سيبك من ده كله ليه التاني ده يعمل فيا كده.

ده كان بيتفنن في تعذيبي ليه عملت إيه.

والله ما أعرفه ولا عمري شوفته ليه يعمل فيا كده.

اهدي يا حبيبتي اهدي هيجرالك حاجة والله ربنا هيجبلك حقك لحد عندك.

إمتى يا دعاء.

أنا عايزه أسأله سؤال واحد بس ليه يعمل في حد ما يعرفوش كده.

ده كان كل ما أسمع رنة تليفونه، والله أتخض.

لدرجة إني أعمل حمام على نفسي.

كان بيقوله يعذبني إزاي كان بيملي يعمل فيا إيه.

ليه، عملت إيه ولا أذيته في إيه.

ليه ما حضرش غسلة أمي ولا عزاها.

ليه يساومني قصده إنه يصورني، ولما وافقت يقولي أدائك ما عجبنيش يا حبيبتي ولا هيعجب الباشا ومسحه قدامي.

قعدت أتذلل ليه وأبوس رجله عشان يوديني أحضر عزائها.

ليه يا دعاء عايزني أفرط في تعب أمي وشقاها علشان يعيش على قفاها.

ليه، أنا ذنبي إيه.

ذنبي إني ما وافقتش أتنازل عن حقي ولا عفشي.

والله تعبها كنت بشوفها تحوش الجنيه على الجنيه بالضرب.

إزاي يهون عليا تعبها كده.

والتاني كان بيتفنن...

عايزه تطلق تتنازل.

هو لو أخته كان راضي بكده ليها.

يااااااااارب هاتلي حقي ونبي يا رب، هاتلي حقي من اللي ظلموني يا رب أنت اللي عالم بيا.

اهدي يا شجن ونبي لا تهدي عشان خاطر أمك.

أمي اللي ما شوفتهاش يا دعاء ولا حتى شميت ريحتها.

كان نفسي أحضنها كان نفسي تاخدني في حضنها لآخر مرة.

تعبت والله تعبت يا رب خدني عندك يا رب.

بعد الشر ما تقوليش كده تفي من بوقك.

في الشارع تحت بيتها الكاوتش صرخ صرخة مرعبة وهو بيمسك فرامل.

نزل جاسر من عربيته زي الإعصار ملامحه كانت حجر وعينيه مفيهاش غير سواد وغضب مكتوم.

عادل جرى عليه أول ما شاف حالته دي:

يا جاسر بيه هدي نفسك باشا،

 أنت في حته شعبية مينفعش اللي هيحصل هنا.

حضرتك اهدي والا حضرتك عايزه هيتنفذ بالحرف بس اهدا يا باشا.

الجو كان هادي والشركة بدأت تفضى.

عثمان واقف بطوله ساند ضهره على العربية المرسيدس السوداء ومنتظر قدام الشركة.

فجأة ظهر رجب من بعيد لابس هدوم بسيطة ملامحه شاحبة شوية من قعدة الزنزانة.

قرب رجب من العربية بخطوات تقيلة شوية وبص لعثمان اللي واقف ببدلته ونضارته بذهول.

وخبط بإيده خبطتين "تك تك" على إزاز باب العربية وهو بيبتسم نص ابتسامة:

يا محاسن الصدف عثمان باشا حتة واحدة الدنيا لسه فيها خير يا جدع.

عثمان عدل نضارته وبص لرجب بتمعن ملامحه لانت شوية لما عرفه ومد إيده يسلم عليه بقوة:

رجب، يا نهار أبيض حمد لله على السلامة يا صاحبي نورت الأسفلت من تاني.

الله يسلمك يا غالي الواحد لسه مش مصدق إنه بيشم هوا نضيف بعيد عن الكتمة يا جدع.

قولي يا صاحبي خرجت من السجن إمتى ده أنا كنت فاكر لسه قدامك مدة.

طلعت من كام يوم قولت أجي أسلم على جاسر باشا.

أصل خيره عليا وسؤاله عليا وأنا جوه مكنش بيقطع.

كان لازم أول ما أخرج أجي أشكر الباشا بنفسي ده مهما كان خيره مغرقني.

ده كفاية وقفته معايا في زنقتي مع اللي ما تتسماش دي.

طول عمره جاسر باشا مبيسيبش حد ما بالك لو كان صاحبي.

يا جدع حمد لله على السلامة يا حبيبي نورت.