الفصل الثالثه و العشرون

Part15

هناك خيط رفيع يفصل بين العقل والجنون وبين الحب والهوس خيطٌ لا يراه إلا من احترقت روحه بنيران الأشواق فالعشق ليس مجرد كلمات تُقال بل هو زلزال يضرب أركان النفس ليحول الغرام إلى إدمان والتمني إلى تملك لا يعرف الحدود

بص يا ملاكي عارف انك مستغربه أسم ملاكي ده بس هو ده أسمك الا اعرفه من ساعه ما شوفتك عندك وقت تسمعي حكايتي يا شجني

 

‏رفعت عيونها ليه لقت فيهم نظرة صادقة لدرجة وجعتها، مكنتش نظرة رغبة قد ما هي نظرة طفل لقى أمانه الضايع همست بصوت مهزوز اتفضل 

‏حاضر هتفضل يا ملاكي أنا مش بعرف اتكلم غير وأنا نايم 

‏ددده الا هو ازاي يعني حضرتك 

‏سحبها براحة وخلاها تمدد على الكنبة ونام في حضنها رمى راسه على صدرها وغمض عينه بانتشاء

هي كانت مكسوفة ونفسها عالي ومستغربه أفعاله ومذهوله أنها مش عارفه تقول لا أو حتي تعترض وتقوم تهرب من كم المشاعر والإحساسيس دي بس ملمس شعره تحت إيدها وقربه منها بالشكل ده خلاها تهدأ غصب عنها

 بدأ يحكي وصوته طالع هادي ومكتوم في حضنها عارفة يا شجني.. أنا كنت بنام كل يوم وأنا بتخيل اللحظة دي بتخيل ملمس جسمك وريحتك بتخيل شكلك وانتي متعصبه وانتي زعلانه بتخيل واحده عمري لا شوفتها ولا حتي اعرف عنها حاجه اول مره جتيلي فيها كنت مخنوق أوي بسبب قضيه خسرتها كنت تعبان عليها بقالي شهور وللاسف يوميها خسرتها مش خساره قويه لأن الحمد لله أخد 6 سنين بدل 15 بس لان القضية كانت مهمه بالنسبه ليا يوميها جتيلي اول مره في الحلم مكنش باين منك حاجه كنتي قاعده في الأرض وحواليكي تراب كتير وعامله تعيطي كنت كل ما أقرب منك القيكي تبعدي عني حاولت أساعدك واقومك بس كل ما احاول القيكي بتبصيلي بنظره غريبه انا لحد دلوقتي مش فاهمها وتشيدي أيدي وترجعي مكانك لحد ما صحيت تاني يوم وافتكرته حلم بس الحلم بقي واقع بقيت بستني كل يوم عشان اقابلك تعرفي بقيت بتخيلنا مع بعض في كل

 الاوضاع المتعارف عليها واللي لسه

 انصدمت بالكلام وحاولت تقومه ضحك ومسكها من وسطها اهدي بهزر معاكي مش بقولك الا كان بيحصل معايا ومازال بيحصل يا ملاكي بقيت كل يوم استناكي ولو يوم ما جتيش كنت بتجنن كنت بدور عليكي في كل النسوان تعرفي كنت بدور علي مواصفاتك بالظبط تعرفي وصلت اي اني بخليهم يركبوا شعر بلون شعرك ويلبسوا لينسيز عشان أعرف انام معاهم اهدي اهدي

 والله كان بيبقي غصب عني عارفه كنت برجع قرفان من نفسي أوي حتي أنتي بتيجي تعتابيني وتزعلي مني كنتي بتعقابيني ببعدك عني يا شجني كنت بترجاكي عشان ما تبعديش عني

 رفع رأسه ليها وقرب منها لحد ما كانت بتتنفس نفسه انتي مش هتبعدي عني تاني صح يا شجني

 كانت مسحوره بيه لدرجة ما حسيتش بيه وهو مدخل أيده تحت هدومها كأنه بيراجع حفظ تفاصيل محفوره جواه حاولت تقومه من عليها ما عرفتش اتعدل عليها وبقي نايم فوقيها هششش والله ما هاذيكي انا بس عايز أحس إنك موجوده وقادر المسك قادر احس بملمس جسمك تحت ايدي والله انا كان اقسي احلامي اني ابوسك

 عارفه حتي في أحلامي مكنتيش بيتكلمي متخيله انا كنت عايش إزاي قرب منها وحشوني أوي ما استناش تستوعب قصده 

اخد شفايفها بين شفايفه براحه كان بيبوسها مش شهوة علي قد أن بيثبت لنفسه أنها حقيقه ملموسه قادر يلمسها فاي وقت مش مجرد احلام بس 

‏كان بيبوسها لدرجة واصله للجنون خايف لاحسن يفصل البوسه وتختفي زي كل مره

 كان بيمصهم لحد ما حس بطعم الدم في بوقه بعد عنها ومسك شفايفها بايده أنا أنا اسف والله مكنش قاصدي قام دور علي علبه الإسعافات الأولية ما لقهاش في الحمام خرج من المكتب بقميصه المفتوح هاتيلي علبه إسعافات اوليه حالا 

‏اااا 

‏انتي لسا واقفه بقولك حالا انتي طارشه 

‏حححاضر يا مستر جاسر 

‏دخل ليها تاني

 

‏حبيبي انا اسف صدقيني أنا مش مصدق أنك حقيقة يا شجن والله ما مصدق خايف اصحي علي حلم من احلامي خايف اغمض عيني القيكي اختفيتي تاني والله خايف عارف أنك مستغربه حتي مش مستوعبه الا بيحصل ولا مستوعبه شخصيتي ولا كلامي والله ولا أنا مش عارف أنا بعمل أي ولا بقول بس عايز أتكلم معاكي في اي حاجه خايف اسكت تسكتي وما اسمعش صوتك خايف أتكلم تزهقي مني 

‏قطعت عليهم اللحظه دي انجي وهي بتخبط عشان تدخل دخلت استغربت الوضع وكانت عايزه تتكلم مدهاش فرصه

‏اخد منها شنطه الإسعافات وطردها برا رجع قعد جنبها واخد قطنه صفيره وحط عليها مطهر ولمس علي شفايفها براحه كأنه خايف لاحسن تتكسر تحت أيده 

‏كانت بتبص عليها كأنها شايف حد تاني غير الشخص الا كان بيزعق وهد الدنيا عندهم ولا الا كان مدير المستشفى مكنش قادر ينطق حرف قصاده 

‏بتفكري في اي يا ملاكي 

‏هه لا ابدا سرحت حضرتك مش اكتر 

‏يعني ينفع انا أقولك يا شجني وانتي تقولي حضرتك 

‏تعالي معايا اوريكي حاجه يمكن تحسسك بيا 

‏قام شدها من إيدها براحه وهو باصص في عيونها بنظرة كلها شغف

‏تعالي هوريكي إنك مكنتيش مجرد خيال أنتي كنتي حقيقة عايشة جوايا ومعايا 

‏مشي بيها لحد باب أوضة مقفولة في آخر الطرقة فتح الباب كتب الباسورد وكان عباره عن ملاكي دخلوا لقيت الاضاءه بتفتح واحده واحده وقفت مكانها مذهولة. 

‏الأوضة مكنتش مجرد أوضة كانت "متحف" كامل ليها هي بس الحيطان متغطية بلوحات زيتية وسكتشات فحم أحجام خيالية وتفاصيل تخطف العين شافت نفسها في لوحة بشعر طويل جدًا لدرجة خرافية ونظره جريئه وفي لوحة تانية بشعر قصير "كيرلي" متمرد وشافت نفسها وهي بتضحك ضحكة صافيه وصورة تانية وهي مكشرة بطفولة وضامه شفايفها علي بعض 

‏الغريبة إن كل الصور دي كانت بملامحها الحقيقية لكن بأوضاع وأعمار وموديلات لبس عمرها ما لبستها ولا تعرف عنها حاجه الحاجة الوحيدة اللي كانت بتجمع كل اللوحات دي هي "لون عيونها" المميز اللي كان مرسوم بدقة مذهلة كأن الرسامين سرقوا حتة من روحها وحطوها في البرواز

‏ لفت حوالين نفسها وهي مذهولة لمست طرف لوحة منهم وهمست بصوت مبحوح

‏إيه ده إزاي أنا عمري ما اتصورت الصور دي ولا قعدت قدام رسام 

‏قرب منها وحضنها من ضهرها، سند دقنه على كتفها وبص معاها للوحات

‏كنت بوصفك ليهم أشهر رسامين في العالم كانوا بيسمعوا مني تفاصيلك كأني بوصف ملاك كنت بقولهم ارسموا البنت اللي بتجيلي في أحلامي البنت اللي ريحتها بتطاردني وأنا صاحي كنت بتخيلك بكل الأشكال بشعر طويل بقصير وأنتِ بتضحكي وأنتِ غضبانة  كنت عايز أشوفك بكل حالاتك ومع ذلك كل اللوح دي أول ما جيتي غطيتي عليهم كلهم كأنهم مجرد خيالات واختفوا اول ما ظهرتي يا شجني 

‏ لفت ليه وهي مش مصدقة عيونها كانت بتلمع بإحساس غريب  وبصدمه  

‏أنت كنت بتعمل كل ده عشان حد مش موجود عشان مجرد خيال في دماغك 

‏ابتسم بـهيام وقرب وشه منها أكتر أنتِ مكنتيش خيال يا شجني أنتِ كنتِ الحقيقة الوحيدة في حياتي وأنا لسه مشافتكش كل لوحة هنا كانت بتهون عليا سنين الانتظار وأنا عارف أنك ممكن ما تكونيش حقيقة كنت بدخل الأوضة دي عشان أتنفس عشان أحس إنك ممكن تيجي ولو حتي قدامي ولو لحظه والنهاردة الحلم بقى بين إيداي بقيت لمسه تفتكري هكون عامل ازاي 

‏

‏

‏قرب منها أكتر وحاوط وسطها بإيديه الاتنين بتملك ناعم وهو بيسند جبهته على جبهتها أنفاسهم اختلطت وبقت الغرفة اللي مليانة بصورها كأنها شاهدة على لحظة اعترافه الأخير همس بصوت كله بحة عشق

‏عارفة يا شجني الصور دي كلها كانت بتصبرني بس دلوقتي وأنتِ في حضني حاسس إن الألوان دي كلها باهتة قدام نور عينيكي الحقيقي حاسس أنهم غيرانين منك 

 كانت تايهة مش عارفة تهرب من نظراته ولا من سحر كلامه ولا من احساسيه قلبها كان بيدق بطريقة غريبة لدرجة إنها خافت يسمعه رفعت إيدها بتردد ولمست صدره وكأنها بتطمن إن ده مش حلم من أحلامه اللي حكاها ملمسها ده جننه، غمض عينه واستسلم للراحة اللي حسها وهي معاها وبدأ يمرر شفايفه على خدها بنعومة وهو بيهمس

‏أنا مش بس كنت بحلم بيكي أنا كنت بتنفسك كنت بموت في اليوم ألف مرة لو انتي ما جيتيش زورتيني النهاردة بس بدأت أعيش 

‏نزل لمستوى شفايفها فضل باصص ليهم بشوق السنين كأنه بيستأذنها بنظرة كلها رجاء غصب عنها غمضت عينها

 الحركة خلت قلبه يتنفض من مكانه في اللحظة دي قرب وباسها بوسة هادية وطويلة كانت ناعمة في الأول كأنه خايف يكسرها بس مع استسلامها في حضنه اتحولت لشغف وعنف أكتر كأنه بيحاول يثبت لنفسه إنها بقت ملكه إنها حقيقة مش لوحة من اللوحات اللي حواليهم

‏ حست إن الدنيا بتلف بيها ومبقتش سامعة غير دقات قلبه وشفايفه وهي بتقطع شفايفها سابت نفسها ليه تماماً وإيدها اتلفت حوالين رقبته بتلقائية عجيبه بعد عنها ببطء سند جبينه على جبينها 

وهو بينهج وصوته رايح تماماً

‏أنتِ أحلى من كل اللي رسمته أنتِ جنتي يا شجن الا مستحيل أفرط فيها ولو بموتي قطع لحظتهم رنين تليفونها وكانت دعاء رنيت عليها في الوقت الصح حسيت انها فاقت من الغيبوبة الا كان ساحبها ليه بعدت عنه ورديت عليها وكلمتها بصوت واطي 

‏دعاء تعالي خوديني بسرعه 

‏في اي الا حصل

‏بقولك بسرعه كان عندي حق يا دعاء ده مش غريب ده مجنونه عارفه لو ما جيتيش بسرعه مش عارفه ممكن يعمل فيا اي بسرعه ونبي يا دعاء 

‏حاضر والله حاضر 

‏

‏على الناحية التانية كانت نازلة تجري يارب جيب العواقب سليمه علي طول عايزيني في مشكله عمرها ما قالتلي تعالي اقسمي معايا راجل ولا حتي صاحبه لا ازاي مكتوب علي وشي تعالي الحقيني يا دعاء مشيت مسافه لحد ما حست بحد ماشي وراها لفت فجأة بوشها وهي شايطة 

‏هو في إيه  أنت مالك يا جدع  المرة اللي فاتت قولت  قريب الأستاذ بس في الرايحة والجاية ماشي ورايا يكونش حد عيّنك حارس عليا

‏ وقف مكانه ربع إيده وبصلها ببرود استفزها أكتر فكملت  بزعيق

‏أنت عارف لو ممشيتش من وشي والله ما هينفعك جوز العضلات اللي أنت فرحان لي بيهم دول هنا مش مستشفى مجانين هي انت في حاره شعبيه 

‏ رفع حاجب وبص لها من فوق لتحت وقال بسخرية إيه إيه باكبورت طفح في وشي وأنا أبصلك على إيه أصلاً أنتِ ما بتشوفيش نفسك في المراية يا بت ولا إيه

‏ برقت عيونها والدم ضرب في نفوخها

‏مبشوفش لا ده أنا اللي هخليك ما تشوفش تاني اصلا  تعالالي بقى يا لهووووي الحقني يا خلق الحقوني يا أهل الحارة 

‏في ثانية كان أهل الحارة اتجمعوا والناس طلعت من الشبابيك على صوت صويت دعاء اللي ملأ الدنيا عم محمد راجل كبير  من الحارة قرب وسألها بقلق وخوف ابوي في إيه يا بنتي حصل إيه 

‏دعاء وهي بتشاور على عثمان بتمثيلية متقنة ودموع تكاد تكون حقيقية 

‏بيعاكسني يا عم محمد يرضيك كدة ترضاها على مهجة بنتك

‏عم محمد وشه احمر من الغضب وبص لعثمان اللي كان واقف مذهول من التحول اللي حصل في ثانية

‏لا طبعاً مارضاهاش بقى حتة عيل زيك يضايق بنات الحارة عندنا 

‏الشباب والرجالة بدأت تتجمع وتوشوش لبعض بغل وعثمان لقى نفسه في نص دايرة ملهاش مخرج بص لدعاء اللي غمزت له بعينها وهي بتنسحب ببطء من وسط الزحمة وسابته يواجه مصيره مع أهل الحارة الغضبانين و مشيت بكل هدوء عدلت شعرها ورسمت ابتسامة نصر على وشها وهي بتقول لنفسها بفخر

‏أي خدمة يا شجن  خدتلك حقك من واحد والتاني ده ما يقدرش عليه غير ربنا أحسن خلي يتعلم الادب قال ما تعرفيش انا مين فاكر نفسه كازانوفا وهو لو شال العضلات الا في جسمه هيكون شبه البرص الجعان

‏

‏كانت قاعدة في أوضتها بتغلي قلبها واكلها من اللي بيحصل فجأة موبايلها رن كانت إنجي سكرتيرة جاسر

‏أيوة يا إنجي في إيه بتكلميني ليه 

‏ بصوت واطي ومتردد 

‏ أميرة هانم في حاجة مهمه حصلت قولت لازم أعرفك  جاسر بيه في مكتبه ومعاه موظفة جديدة بقالهم تلات ساعات وقافل الباب ومنبه محدش يدخل نهائي 

‏ازاي يعني وانتي ازاي ما تعرفنيش من قبل كد 

‏والله يا هانم 

‏قفلت السكه في وشها قبل ما تكمل كلامها الدنيا اسودت في عينيها بقى أنا محبوسة هنا وهو هايص مع الموظفات  قامت زي المجنونة مسحت دموعها وحطت ميك أب صارخ ولبست أشيك فستان عندها وخدت شنطتها ونزلت زي الإعصار 

‏عند البوابة الحراس وقفوا قدامها

‏يا هانم جاسر بيه قال ممنوع 

‏ قطعت كلامهم بزعيق هز الفيلا

‏جاسر بيه مستنيني في الشركة حالاً وسع أنت وهو لتبقوا في الشارع النهاردة قولكم جاسر بيه هو اللي طلبني ولو عرف إنكم أخرتوني وعطلتوا الشغل هيطير رقابكم افتح البوابة يا حيوان منك ليه يلا 

‏الحراس اتوتروا وخافوا من لهجتها الواثقة وفتحوا لها الطريق ركبت عربيتها وطارت على الشركة في الطريق طلبت لقاء

‏لقاء الحقيني الزفت جاسر معاه واحدة في المكتب بقالهم 3 ساعات أنا رايحة أطربق الشركة على دماغه ودماغها 

‏بخبث وهي بتسخنها يا نهار أسود بجد ازاي ده حصل يا حبيبتي مش معقول ده بيخونك عيني عينك بصي يا ميرو من رأيي تروحي تاقفشيهم واعملي حوار واقلبي الترابيزة عليه متسكتيش على حقك نهائيا وريه إنك مش قليلة ده بيخونك بعد كل ده لا بجد أخص عليه ده مفيش أوفي منك يا روحي 

‏ قفلت السكة وهي بتقول بغل

 بتخوني بعد كل اللي عملته عشانك يا جاسر والله لأفضحك وسط الشركه كلها 

‏وصلت الشركة نزلت من العربية زي القطر  دخلت طلعت للدور الأخير وقفت قدام مكتب جاسر وإنجي بصت لها بخوف وشاورت لها على الباب المقفول