الفصل الثالثه و العشرون

 Part2❤

جاسر وعثمان ركبوا العربية الـ SUV السوداء، جاسر كان ساند راسه على الكرسي وعينه على الطريق بتركيز، كأنه بيرسم خريطة للي جاي فجأة كسر السكون وقال بنبرة قاطعة:

‏"عثمان.. عايزك تصفي كل الحسابات مع عماد. اديله الرقم اللي يرضيه، المهم يوقع على تنازل عن كل أسهمه في الشركة. مش عايز لعماد ابن عمي ريحة في المكان ده من النهاردة الشركة دي بتاعتي أنا وبس"

‏عثمان بص له باستغراب : "بس يا باشا أنت عارف إن عماد هيستغل النقطة دي وهيطلب رقم خياليةوبعدين دي شركة ابوه وهو واخدها منه  يعني هيحارب قبل ما يسيبها.. اشمعنى الشركة دي بالذات اللي متمسك بيها كدة ما المكتب موجود يا باشا والشغل الا بيجي منه حلو 

‏جاسر اتنهد وبص من الشباك وقال بصوت فيه حنين للماضي : "عشان دي الشركة الأم يا عثمان.. دي اللي شفت فيها جدي  وابويا وهما بيبنوها حجر حجر دي المكان اللي اتعلمت فيه يعني إيه إدارة ويعني إيه بيزنس قبل ما أدخل سلك المحاماة مش هسمح لواحد مستهتر زي عماد يهد تاريخ العيلة الشركة دي لازم ترجع لعهدها وأقوى من الأول"

‏عثمان سكت لحظة وبعدين سأله: "طيب والمحاماة يا باشا والمكتب اللي عملت فيه اسم يهز الأرض هنسيبه كد"

‏جاسر ابتسم ابتسامة ثقة وقال: "ومن امتى يا عثمان الحوت بيترافع عن أي قضية وخلاص أنا خلاص بقيت بختار معاركي هيثم مكاني في المكتب إيده ورجله في الشغل ولو في قضية كبيرة أو حاجة 'تقيلة' تستاهل اسم جاسر الحربي  أنا هحضر بنفسي لكن دلوقتي مجهودي كله لازم يروح للشركة لازم تقوم وتقف على رجليها."

‏وهما بيتكلموا، موبايل جاسر رن.. بص في الشاشة لقاها أميرة مراته. فتح الخط: "أيوة يا أميرة"

‏صوت أميرة كان فيه قلق وتوتر: "جاسر، أنا بكلمك عشان أقولك إني مسافرة لبنان حالا.. مامي تعبانة جداً ولازم أكون جنبها."

‏جاسر بسخرية: "هو أنتي مش لسا جايه ما كملتيش أسبوعين .. وامك كد فجاء تعبت أميره مش عايز رغي كتير خلال يومين تكوني عندي سلام "

‏قفل السكة وما استني تكمل كلامها  وبص قدامه

‏ عثمان سأله: "خير يا باشا في حاجة؟"

‏جاسر: "لا يا عثمان خلي السواق يطلع علي الفيلا "

‏عثمان : حاضر يا باشا 

‏

‏""عند شجن في البيت""

‏

‏رنة الموبايل بتقطع سكون أوضة شجن و بتمسح دموعها بسرعة وبتحاول تظبط صوتها قبل ما ترد

‏دعاء: "ها يا بنتي طمنيني عملتي إيه في المقابلة؟"

‏شجن "بتحاول تبان طبيعية "

‏الحمد لله يا دعاء اتقبلت."

‏دعاء "بشك" "مبروك يا حبيبتي بس هو مال صوتك في حد اتعرضلك يا بت انطقي 

‏شجن "صوتها مخنوق " " يا ستي اتعرض اي يا شيخه فصلتني مفيش بس اتخانقت مع ابويا ومراته أول ما رجعت كالعادة يعني والله مكنش له لزوم النكد ده في يوم زي ده بس اقول اي ربنا علي الظالم "

‏دعاء بحنان" " خضيتني والله اصل مفيش حد يسيب اللمبه الا بتنور في الضلمه وما يتحرش طب والله عيب في حق الرمان 😂المهم يا حبيبي سيبك منهم ارمي ورا ضهرك ولا كأنك سمعتي حاجة أهم حاجة دلوقتي إنك تفرحي بالوظيفة دي ده إنجاز كبير وتعبك ماراحش هدر والله يا شجن"

‏شجن "بتنهيدة" "رمان اقولك اي الرمان ده يا زباله لمي نفسك انا بدأت اشك فيكي يا بت بس تصدقي اول مره تقولي حاجه صح  عندك حق بجد يا دعاء لو شوفتي الشركة هتبلمي حاجة خيال  ديكورات وأجهزة ونظام ملوش حل شركة مرعبة من كبرها أنا كنت ماشية بكلم نفسي اللي يملك مكان زي ده أكيد معاه ملايين الملايين، ده عالم تاني خالص غير اللي إحنا فيه "

‏دعاء: " اومال ياما انتي فاكرها زي شركة ام عبدالله اعوذ بالله دي كانت اوضتين وصاله وراح جايه تقول عنها شركة شركة الندامه ياختي عقبال ما تبقي زيهم يا ستي احكيلي بقي تفاصيل التفاصيل يا سلوي هه 😂 

‏

‏شجن بتعدل قعدتها وبتبتدي تحكي بحماس أكتر وهي بتفتكر تفاصيل المكان

‏شجن "ماشي ياختي تخيلي يا دعاء وأنا داخلة من الباب الأمن والموظفين كأنهم في خلية نحل وكل حاجة بتلمع أنا خفت أدوس على الأرض أجرحها والناس هناك شكلهم شيك أوي تحسي إنهم طالعين من التلفزيون ولا عرض أزياء"

‏دعاء "بضحكة" "يا بنتي ما طبيعي، دي شركة إنترناشونال مش محل موبايلات تحت البيت عندنا بس قوليلي شوفتي صاحب الشركة ده ولا هو من النوع اللي بيختفي في مكاتب سرية "

‏شجن: "لا طبعاً مشوفتهوش ده أنا يدوب وصلت لمكتب الموارد البشرية بالعافية.. بس السكرتيرة قالت إن صاحب الشركة ده شخصية صارمة جداً ومبيحبش الهزار في الشغل وبيقولوا عليه (الحوت) من كتر ما هو مسيطر على السوق."

‏دعاء: "حوت قرش.. المهم إنك دخلتي وسط الحيتان دي يا شجن  فكي بقى تكشرتك دي  وقومي كلي لقمة عشان تقدري تجهزي لبسك لأول يوم عايزكي تشقطيه كد غمزه كد كتف كد ضحكه كد اي اكشن عايزكي تجي تقولي ليا يا بت يا دودو انا حامل في الحرام 😂 

‏شجن (بتضحك): "طيب عرفي ولا رسمي يا بت يا دودو  وكسه عليكي يا سافله اموت واعرف بتجيبي قله الادب دي منين أنا هقوم أجهز الهدوم وأحاول أنام عشان أركز غوري يلا هتفسدي أخلاقي يا بعيده 

‏دعاء: "كد يا شوشو هتقفلي السكه في وشي وهكون هجيبها منين ياختي من النت تحبي ابعتلك فيديو ايبييي ناااار ناااار يخليكي تولعي من كل حته كد وبالذات من الكوكو 😂😂

‏شجن "بعصبيه " ده انا الا هولع فيكي بجاز وسخ يا زباله والله لاقول لامك غووووري يلا عايزه انام 

‏دعاء "بضحكه رقاصه " خلاص خلاص يلا تصحبي علي خير قاطعه برزقك علي طول 

‏

‏وصلت سيارة جاسر الفارهة أمام بوابة الفيلا التي تشبه القلعة في تصميمها المعماري الحديث أسوار عالية إضاءة خافتة مسلطة على الواجهة الرخاميةووحديقة شاسعة يفوح منها عبير الزهور النادره جاسر يمتلك من الزهور أنواع نادره مش موجوده في العالم إلا عدد قليل منها 

‏ترجل جاسر بهيبته المعتادة، فتقدم منه عثمان ليغلق باب السيارة. التفت إليه جاسر وقال بنبرة هادئة لكنها حازمة: "روح أنت يا عثمان خلاص كفاية عليك كدة النهاردة"

‏انحنى عثمان باحترام وقال بخبث: "طيب تحب أجيبلك أي بت تسليك يا باشا الدنيا لسه بدري"

‏رد جاسر بضيق وهو يتجه للداخل: "ماليش مزاج يا عثمان.. روح أنت"

‏عثمان : امرك يا باشا 

‏دفع الأبواب  الضخمة ليدخل الردهة الواسعة، حيث استقبلته مشرفة الخدامين : "نورت يا باشا تحب أحضرلك الأكل يا باشا"

‏أجابها دون أن ينظر خلفه وهو يصعد الدرج الرخامي: "لا مش عايز تقدري تروحي انتي يا عزيزه "

‏دخل جناحه الخاص مساحة شاسعة يطغى عليها اللون الأسود والرمادي اتجه فوراً لخلع ملابسه ورميها بإهمال ثم دخل إلى الحمام الملحق بالجناح وقف تحت زخات المياه البارده (بتستحمي بمياه ساقعه في البرد يا قادر 😂)التي تنساب على عضلات ظهره المشدودة يغمض عينيه ليغسل عناء يوم اليوم و البروده تملأ المكان 

‏خرج بعد دقائق يلف فوطة بيضاء حول خصره قطرات الماء تلمع على صدره العريض توجه لغرفة الملابس أخرج بنطلوناً قطنياً مريحاً وارتداه ثم ضغط على زر المكيف لتنخفض حرارة الغرفة ارتمى على سريره الضخم وبمجرد أن أغمض عينيه بدأت ملامح تلك الفتاة تظهر له هي ذاتها التي تطارده في أحلامه منذ ثلاث سنوات